27 ديسمبر، 2011

Review : Mac Fluidline Vs Bobbi Brown Long-Wear Gel Eyeliner


السلام عليكم ،،

اليوم راح اقارن بين منتجين مثل ما انتم شايفين
الأول ماك فليويد لاين او الجيل لاينر
الثاني الجيل لاينر من بوبي براون

اممم ماك انا استخدمه من سنتين وللحين ماخلص مع اني استخدمه كثيريكفيني لسنه قدام بعد ولانشف مثل ما الناس تقول عنه صحيح قوامه مو مثل اول يوم استخدمته بس مازال تمام معاي



بوبي براون مالي شهر استخدمه حلو وسهل في الاستخدام
من وجهة نظر شخصية ماك افضل بكثيييير من ناحيه السواد بوبي براون يمشي اسرع واسهل لكن لازم اعيد عليه عشان يطلع اللون غامق هذي سواتشز للاثنين



الأسعار ماك ما اتذكر بس ماكان اغلى من ٨٠ مادري كم سعره الحين
بوبي براون اتوقع ١٢٠ ريال

25 ديسمبر، 2011

H&M Cosmetics NOW in Riyadh !!





أهليييين بنات جايبة لكم خبر حلووو
اليوم كنت بمجمع غرناطه وشفت ان اتش اند ام جابوا قسم الميك اب ومستحضرات التجميل  
جايبين كولكشن كبيير وحلو ^^

ما ادري اذا بس في فرع غرناطه ولا كل الفروع :)





20 ديسمبر، 2011

Review : Bath And Body Works Wallflowers

بسم الله الرحمن الرحيم

في شي جربته ومرررره رهيب من جد ياليت اكتشتفه قبل 
اسمه WallFlower ومن جد مثل اسمه  موجود عند  Bath and Body Works 



عباره عن فواحه لها تعبئتها الخاصه بروائح كثييييييييره لدرجة انك تتعبين وانتي تجربين تشبكينها على الفيش حق الكهرب واستمتعي بالريحه الحلوه
فيه منتجات كثييره نفس الطريقه مثل ايرويك بس انهم يعطونك الريحه الغريبه اللي كأنها ريحة مستشفى او ريحه نظافه هذي غير تعطيك نفس ريحة الفواحه اللي بالشمعه او ريحه الشمعه بالضبط ،،

هذي شكل الفواحه الاساسيه فيه عندهم كل الالوان تقريباً انا كنت ابي اللون الابيض بس كان مخلص واخذت الرمادي 




لها اشكال بس ماشفتها هنا في السعوديه



تركبون عليها التعبئه من تحت وهذا شكل التعبئه ومثل ماقلت فيه خيارات كثييييره بس هذولي الثنتين استخدمتهم وكلهم كانو حلوات 





 سعرها الفواحه مع تعبئه وحده ب ٣٥ ريال وكل تعبئه سعرها ٢٥ ريال 
طبعاً اذا بتشغلونها ٢٤ ساعه راح تدوم لك لمده ٣ - ٤ اسابيع على كلامه بس انا اشغلها فترات واطفيها خصوصا اذا بطلع ،،




My Favourites Healthy Snacks 

السلام عليكم ،،

هذي بعض من السناكز اللي احبها وبنفس الوقت مو مضره للجسم ولا تزيد الوزن بالعكس مفيده وفيها الياف وخصوصا اذا حابين تاخذون شي حالي مع الكوفي خيار افضل من الشوكلت ،،






اول واحد هو Nature Valley 
فيه منه نكهات كثيييييير بس انا احب اللي بالشوكلت فيه قطعتين كل وحده فيها ٩٠ كالوري بس راح يفيدك اكثر من الشوكلت العادي لأن هذا فيه شوفان والشوفان من افضل المواد الغذائية ،،




Special K Bars

شايفين في الصوره هذي نكهة التوت امممم ماراح تعجب اللي مايحبون الفواكه المجففه لأن فيه توت مجفف انا احبه بس افضل اللي منه بالشوكلت بس مو دايم القاه :( 
خفيف ومفيد وفيه ٨٨ كالوري بس 


اتمنى عجبكم البوست هذا واشوفكم على خير ،، 

12 ديسمبر، 2011

New Obsession ,, Celine Boston Bag


الفتره الأخيره انتشرت Ciline Boston Bag كثيييير صرت وين ما افتح النت الاقيها
 بصراحه روووعه اخليكم مع بعض الصور 














نشوفها مع بعض السيليبريتيز ،،







5 ديسمبر، 2011

Favourites of 2011 ♥

السلام عليكم ،، 

بما اننا بدينا بآخر شهر بـ٢٠١١ وبأول شهر ب ١٤٣٢هـ حبيت اشارككم ببعض او اكثر الاشياء اللي اكتشفتها في هالسنه
اممم حصرت القائمه لـ ٧ منتجات وراح اتكلم عن كل منتج بالتفصيل وهذي " الترتيب عشوائي "

نبدأ بسم الله الرحمن الرحيم 





آول شي راح اتكلم عنه هذي المناكير من ريميل ،، روعه روعه روعه وماتكفي بعد اتكلم عن ايش ولا عن ايش
الفرشه خطييره عريضه وكبيره وتشيل كميه مناسبه ومرررره سهله 
المناكير نفسها احط طبقتين وفوقها طبقه توب كوت اذا عندك وحتى مو لازم بعد وتعطي لمعااان ولون راائع شوفو هالصوره من النت عطتني نفس اللمعان والنتيجه 


ومكتوب تدوم ١٠ ايام بس بصراحه ماجربتها لهالمده 
انا شريتها من بوتس السعر بالضبط ما اتذكر بس 
 درجه اللون  red award







المنتج الثاني 





انا من الناس اللي كانت تكره تحط المناكير بسبب اني اكره  ازيلها خصوصا في الايام العاديه اللي اصلي فيها اكره حوستها
 بس هذا الشي لما اكتشفته خلاص انحلت العقده ههههههه 
هي طبعاً عباره عن علبه صغيره فيها ١٥ شريحه تفتحينها وتاخذين شريحه وحده وتمسحين فيها على الاظافر وبس 
ماتحتاج تضغطين وتفركين خصوصا اذا اللون غامق لانها بسهوله تزيلهم  واهم شي مافيها اسيتون
طبعا موجوده في بوتس بسعر اتوقع ١٥ ريال هذا المنتج من المست هاف عندي 






الشي الثالث 



الفرشه هذي اللي اسمها eye shading  من سيقما طبعا جزء من السيت الكامل بس بدونها مدري كيف كنت عايشه 
العيب الوحيد بفرش سيقما عموماً ان شعرها يطيح مو مثل ماك 
بس ان شالله راح اشتري اللي مثلها من ماك اتوقع ٢٣٩ رقمها 



الرابع 



وهل يخفى القمر !!! 

مونتال بالمسك والورد طبعاً مو من الاشياء اللي اكتشتفها هالسنه بس اللي استخدمتها اكثر شي هالسنه 
هذي يمكن علبه استخدمها رااائع ،،



الخامس 



شيا كاشمير كريم اليد من باث اند بودي وركس 
طبعاً وش اتكلم وش اخلي الريحه ولا النعومه رووووعه 
من مجموعه سيكريت وندر لاند سعره اتوقع ٤٠ ريال 
المجموعه كلها اصلن رووعه بس هذا اكثر شي حبيته فيها 





محدد من نيكس اسمه coffee  
انا احدد شفايفي واعبيها فيه رووعه قوامه مو مرره ناشف لا شوي كريمي يعطي لون طبيعي ورووعه مرات احط فوقه شوي قلوس ومرات لا 
انا سبحان الله ماتوفقت كثير بأشياء نيكس بس هذا روووعه 
عيبه مايطول عالشفايف لازم تشيكين عليه كل شوي  :(
سنتر بوينت السعر ناسيه بكم 





آخر منتج وباين من الصوره اني ماتذكرته الا بالأخير ههههههههه
مرطب الشفايف بزبده الكاكاو من بودي شوي 
رووعه وبصراحه فادني كثييير مع جو الرياض اللي يعدم البشره 
السعر ٢٥ اذا مو غلطانه 



وبس خلصت 
اتمنى من كل قلبي اني افدتكم :) 

3 ديسمبر، 2011

Review : Lush's Henna

السلام عليكم ،،،
راح اتكلم اليوم عن منتج من لش " احبه هالمحل " 
المنتج هو مكعبات الحنا ،، هذي صورته 




هو يباع ٦ مكعبات بسعر مادري اذا كان ٨٦ او ٨٩ ناسيه :S
هو طبعا حنا بس بشكل جديد ومعها زبدة كاكاو يستخدم اصلن لصبغ الشعر وفيه منه الوان بني فاتح واحمر وبني غامق على ما اظن تلون الشعر بدون مواد كيميائية 
حبيت اجربه بما اني سمعت كثيييير عنه وهذي تجربتي معه 
راح اتكلم الحين عن طريقة استعماله 
هو مثل ماشفتو مكعبات ناخذ مكعب واحد او اذا شعرك طويل او كثير تاخذين مكعبين وتبشرينه " ممكن تطلبينهم يبشرونه لك "


بعد ماتبشرينها تحطين عليها بياله موية دافيه "اذا حطيتي مكعبين بيالتين مويه "


تخلطينها زييييين بعدين تحطينه شوي بحمام مائي لين تحسينها تجانست مع المويه 




حطيه على شعرك وخليه ٥ ساعات تقريباً بعدين تغسلينها وبس



الفرق بينها وبين الحنا العاديه 
الحنا العاديه تغذي الشعر بس انها تنشفه وتخليه جااف
بس هذي معها زبدة كاكاو فتغذي الشعر وتعطيه لمعان بالنسبه للون هذي اللي هي اللون الاسود امم من اول استخدام ماغيرت لون شعري بس ممكن مع الاستمرار يبدا لون الشعر يتغير،،


انا جربتها مره وحده اذا شفت نتيجة اكيد برجع اجربها مره ثانيه بس اذا شفت مافرقت ما اتوقع بشتريها مره ثانيه
اتنمى افدتكم اشوفكم ببوست ثاني ،،