3 ديسمبر، 2011

Review : Lush's Henna

السلام عليكم ،،،
راح اتكلم اليوم عن منتج من لش " احبه هالمحل " 
المنتج هو مكعبات الحنا ،، هذي صورته 




هو يباع ٦ مكعبات بسعر مادري اذا كان ٨٦ او ٨٩ ناسيه :S
هو طبعا حنا بس بشكل جديد ومعها زبدة كاكاو يستخدم اصلن لصبغ الشعر وفيه منه الوان بني فاتح واحمر وبني غامق على ما اظن تلون الشعر بدون مواد كيميائية 
حبيت اجربه بما اني سمعت كثيييير عنه وهذي تجربتي معه 
راح اتكلم الحين عن طريقة استعماله 
هو مثل ماشفتو مكعبات ناخذ مكعب واحد او اذا شعرك طويل او كثير تاخذين مكعبين وتبشرينه " ممكن تطلبينهم يبشرونه لك "


بعد ماتبشرينها تحطين عليها بياله موية دافيه "اذا حطيتي مكعبين بيالتين مويه "


تخلطينها زييييين بعدين تحطينه شوي بحمام مائي لين تحسينها تجانست مع المويه 




حطيه على شعرك وخليه ٥ ساعات تقريباً بعدين تغسلينها وبس



الفرق بينها وبين الحنا العاديه 
الحنا العاديه تغذي الشعر بس انها تنشفه وتخليه جااف
بس هذي معها زبدة كاكاو فتغذي الشعر وتعطيه لمعان بالنسبه للون هذي اللي هي اللون الاسود امم من اول استخدام ماغيرت لون شعري بس ممكن مع الاستمرار يبدا لون الشعر يتغير،،


انا جربتها مره وحده اذا شفت نتيجة اكيد برجع اجربها مره ثانيه بس اذا شفت مافرقت ما اتوقع بشتريها مره ثانيه
اتنمى افدتكم اشوفكم ببوست ثاني ،،