13 ديسمبر، 2012

تجربة التسوق في متجر فانيلا الالكتروني


التسوق الالكتروني قمة المتعه 

ايش احلى من لمى تسوين لك كوب كوفي وتجلسين تختارين الاشياء والآحلى من هذا لما تستلمين الطلب وتفتحين الباكيج تحسين انه هديه من نفسك لنفسك ههههههههه

 كثير يتردد من الشراء او التسوق الالكتروني اما لسبب اللغه او الصعوبه في التعامل 
وقليل المواقع العربيه اللي  توفر هالخدمه 
عشان كذا حبيت اشارككم هالتجربه 


وصلني ايميل من متجر فانيلا وفيه كوبون خصم لتجربة التسوق عندهم 

http://vanillaeshop.com







وبصراحه لما دخلت الموقع تفاجأت بالاحترافيه اللي بالضبط ما كأنه متجر عربي 
اللغه عربيه ١٠٠٪ المتجر سعودي وهالشي حلو 

ويوفر لك منتجات من ماركات عالميه مثل تيد بيكر والكساندر مكوين وفورلا 
وبعد من متاجر معروفه مثل هارودز واسوس 
عندهم بعد جزم تومز تشكيله مره كبيره وحلوه ومتوفره عندهم تومز النباتيه وهالشي جداً حلو 

واكيد لمدمنين الميك اب يوفر اربن ديكاي وسيقما وبيوتي بلندر وغيره 

جذبني عندهم اكسسوارات حلوه وعالموضه وكفرات ايفون وادوات مكتبيه بسيطه  ستيكي نوتز اشكالهم رووعه 






عجبني في الموقع انه داعم للمصممات سعوديات يعني مو بس ماركات عالميه 




من اهم الاشياء اللي عجبتني عندهم خدمه العملاء توفر لك الاستبدال او الاسترجاع بعدة طرق وهالشي نااادر في المواقع العربيه 
خدمة الشحن عندهم سريعه خلال ايام يوصلك الطلب متعاونين مع فيدكس 

الموقع حلو للي حابين يطلبون اشياء غير متوفره في السوق عندنا 
واسعاره تعتبر معقوله خصوصاً انك لما تطلبين الشي من برا راح يكلفك شحن وضرايب  واحياناً جمارك وتنتظرين اسابيع عشان يوصلك الشي 


طبعاً اعجبتني اشياء كثيره واحترت في اشياء

وحبيت اخلي هالمره تجربه
طلبت امس بالليل 

اليوم الساعه ٨ ونص بالليل وصلتني تفاجأت بصراحه من السرعه ماشاء الله توقعت عالأقل تاخذ يومين او ثلاثه 
وعشان كذا تحمست اشارككم التجربه بأسرع وقت 


وصلتني الاغراض في كيس مرتب وعليها الفاتوره 



وكل غرض كان مغلف بالببل راب ( البلاستيك اللي فيه فقاعات) ومغلف فوقه بتغليفه جميله 




هذي صوره للأشياء البسيطه اللي طلبتها 



الاغراض بالتفصيل 
من اليمين 
سواره بيراميدز
قلم ستاربكس ( باين اني من عشاق الكوفي ) ماقدرت اقاومه لما شفته 
كوستر للكوفي ستاربكس 
وكفرللآيفون اودري هيبورن

 هنا صور اوضح للاغراض 






طبعاً اكيد راح اطلب منهم مره ثانيه ان شاء الله 
الموقع عجبني السرعه في الخدمه عجبتني والاهتمام بي ككستمر عجبني
اهتمامهم بالتفاصيل شي جداً جميل ونفتقده بأسواقنا 
بالتوفيق لهم يارب وحابه اشكرهم على انهم اعطوني فرصه اجرب التسوق عندهم