5 يناير 2012

Designer's Ipad Cases,, If You Have Extra $$$ to spend,,




وانا اتصفح net a porter 
عجبتني هذي الكيسز حقت الايباد وصحيح ان في بعضها يمكن اغلى من قيمة الايباد نفسه بس من جد حلوه 
شوفوها وقولوا لي وش رايكم وايش اكثر وحده عجبتكم ؟ 


Jimmy Choo
$795




Alexander McQueen
$385


Marc by Mark Jacobs
$70




Chritian Louboutin
$795


Bottega Veneta
$590

Stella Mccartney
$415




3 يناير 2012

Christian Louboutin Manicure !!!




صباحكم خير :)

لقيت الطريقة هذي ومررره اعجبتني غريبه وحلوه خصوصاً لعشاق لوبيتان
اول ماشفتها على طول رحت وطبقتها وما انكر حست فيها خصوصا الاحمر اللي من تحت 
بس طلعت النتيجه خيااااال


كل اللي تحتاجونه
مناكير لون احمر + مناكير لون اسود + مصحح المناكير او اذا ماعندك ممكن تستخدمين عود القطن حق الاذن مع شوي مزيل مناكير
تحطين الاحمر من تحت الاظفر بعدين تمسحين الحوسه الي تصير حوله بعدين تحطين اسود من فوق الاظفر وتوب كوت وبس


2 يناير 2012

Choosing The Right Pink Lipstick for you !!



الروج الوردي هو من أهم الآلوان اللي لازم لازم يكون موجود عند اي بنت 
اصلن اللون الوردي هو لون الأنوثه كلها
 الروج الوردي هو لون ماله موضه معينه يناسب كل فصول السنه 
والأهم انه يناسب جميع ألوان البشره اذا تم اختياره بطريقة صحيحه ..


طيب السؤال الآهم كيف نختار الدرجة المناسبه لنا من اللون الوردي عشان نحصل على اللوك الطبيعي ؟؟؟

اللون الوردي المناسب لك هو نفس لون لثتك يعني ابتسمي وشوفي لون لثتك هي نفس درجة الروج الوردي المثاليه لك هذا على حسب كلام خبراء التجميل

لاحظوا انا قلت الدرجة المثاليه  واذا حابه اللوك الطبيعي مو معناته ان كل الدرجات الثانيه ماراح تطلع حلوه بالعكس  لكن الدرجه هذي هي البيرفكت او اللي راح تعطيك المظهر الطبيعي لك 
هالكلام ممكن ماينطبق للي عندهم مشاكل في اللثه او اللي يدخنون بس غالباً هذي هي الطريقة لمعرفة اللون المثالي لك ،،



 وبعد ممكن تختارينه على حسب لون بشرتك مثلاً كل ماكانت بشرتك اغمق كل ماصارت الدرجات الغامقه من اللون الوردي عليك أحلى وانسب 
وكل ماكانت بشرتك افتح كل ماناسبتك الدرجات الافتح او اللي فيها شوي شيمر 

والحين هذي صور لمشاهير اتقنوا اختيار الدرجة المناسبه لهم ،،










1 يناير 2012

Happy New Year ❤




صباحكم خير ،، 
كل بداية سنه احط لي قائمه للأشياء اللي حابه اسويها خلال السنه الجايه بإذن الله  ( ريزلوشن ) وطبعاً مو دايم اقدر انفذ كل اللي فيها بس لوحققت شيين بس منها يعتبر انجاز
طبعاً ٢٠١١ كانت سنه امم ما اقدر اقول انها كانت سنة انجاز صحيح انجزت اشياء حلوه فيها بس مو مثل ماكنت اطمح 
وهذي القائمة بالأشياء اللي حابه انجزها واسويها السنه هذي 

١- استمر بالتدوين ،، توني في البداية لكن ان شالله استمر خلال السنه هذي 

٢- قراءة ١٢ كتاب ،، عارفه شوي لكن ابي احط عدد معقول عشان حتى لو قليل عالأقل يكون انجزت شي السنه اللي راحت دخلت تحدي في موقع ريدرز على اساس اني اقراأ ٥٢ كتاب بمعدل كتاب كل اسبوع والنتيجه وكان فشل ذريع بالنسبه لي ماقريت الا كتابين بس !!

٣- انقص وزني لأن السنه اللي راحت زاد وزني هدفي انقص الوزن اللي زدته وانقص زياده عليه حتى لو ٢ كيلو 

٤- اهتم في شعري وفي بشرتي اكثر 

٥- اغير عادات غذائيه سيئه مثل المشروبات الغازيه والخبز الابيض والفاست فود

٦- اتعلم كيف واحاول اتخلص من القلق 

٧- احاول اتقرب اكثر من ربي 

٨- ارفع معدلي في الجامعه 

٩- ادخل دورات متنوعة عشان تعزز من السيره الذاتيه عالأقل دورتين او ٣ دورات مختلفه خلال هالسنه 

١٠ - اكمل تأثيث غرفتي 

١١-  احافظ على اذكار الصباح والمساء وقبل النوم 

هذي اهم الاشياء اللي في القائمه حاولت اختصرها عشان اقدر انفذهم كلهم وان شالله ربي يعينني  
Have a nice Year ^^