السلام عليكم ،،
صباحكم ممطر وجميل زي جو اليوم :)
اليوم راح اكتب ريفيو عن منتج يمكن كثير منكم يعرفونه وممكن البعض يعتبره بديل للرموش الصناعيه اللي هو Lashes in a Bottle (رموش في علبه D: )
المنتج هذا عندي من حوالي سنه استخدمه بس مو دايم امم خلوني اشرح لكم عنه شوي شوفوا معاي هالصوره
تشوفون الشعيرات الصغيره اللي تحت ؟ اوكي هذي عباره عن ألياف تتكون على بعض وتعطيك شكل طبيعي للرموش يعني فوق رموشك الاصليه
طريقتها تحطين مسكارا اي نوع يفضل النوع اللي يكثف فيه من نفس الشركه مسكارا بس اي مسكارا مكثفه راح تعطيك نفس النتيجه ..
نرجع لموضوعنا تحطين مسكارا وعلى طول تحطين من هذي الرموش كانك تحطين ماسكارا عاديه تستنين شوي بعدين تعيدين فوقها بماسكارا اللي استخدمناها اول شي عشان تثبتهم اعطتني نتيجه حلوه ومثل هالصوره بالضبط
مالقيت الا هالصوره بالنت اهم شي اوضح لكم كيف نتيجتها ،،
العيوب :
بعد كم ساعه الالياف تبدا تطيح عالخد يعني لازم تكون معك مرايه وتشيكين كل شوي
اممم مادري اذا هي السبب بس صارت الالياف تدخل جوا عيني وتسبب لي زي الحساسيه :(
انا شريتها من صيدلية وايتس سعرها بالضبط ما اذكر بس كانت من ٨٠ - ٩٠ ريال سعودي ،،
اتمني اني افدتكم واشوفكم بتدوينه ثانيه :)
ليست هناك تعليقات:
إرسال تعليق